როგორც Auto Evolution-ი იუწყება, რომ პორტუგალიელმა ფეხბურთელმა, რომლის ავტოსადგომშიც ყოფნის პატივი ქონდათ, ისეთ მაქანებს, როგორებიცაა "პორშე", "ფერარი" , "ბენტლი" და ა.შ., რამოდენიმე ასი ათას ევროდ შეიძინა ახალი ძალზედ სწრაფი მანქანა - "ფერარი 599 GTO". ახალი "სუპერქარი" წარმოადგენს იმ მანქანის გაუმჯობესებულ ვერსიას, რომელიც პორტუგალიელმა 2009 წელს ჯერ კიდევ ინგლისში ყოფნისას ერთ-ერთ გვირაბში დაამტვრია.

Globo-ს ვერსიით, რონალდუმ ახალ მანქანაში 350 ათასი ევრო გადაიხადა. როგორც დასავლური პრესა იუწყება, ეს ფეხბურთელისთვის არაფერია , ვინაიდან მარტო "მადრიდის რეალთან" კონტრაქტით ის წელიწადში 29 მლნ. ფუნტს ღებულობს.

სუპერქარი "599 GTO" აწყობილია "599 GTB ფიორანოს" ბაზაზე, მაგრამ ამ უკანასკნელისგან განსხვავებით მისი წონა 195 კგ.-ით ნაკლებია (სულ მანქანა 1495 კგ.-ს იწონის) და რაც მთავარია, მასზე საკმაოდ სწრაფია. მანქანაში დაყენებულია Enzo-ს მოდელის 6 ლიტრიანი ძრავი (V12), რომელიც წარმოქმნის 612-დან 661-მდე ცხენის ძალას. მანქანა 100 კმ/სთ-მდე სიჩქარეს 3.35 წამში ავითარებს, ხოლო მისი მაქსიმალური სიჩქარე 335 კმ/სთ-ია.

რონალდუს ახალ მანქანას ვიდეო ერთ-ერთმა ინტერნეტმომხმარებელმა გადაუღო, გთავაზობთ ამ ვიდეოს.