გამომცემლობა AS-მა გამოაქვეყნა ინფორმაცია, რომლის მიხედვითაც მადრიდის რეალმა და ხეტაფემ მიაღწიეს შეთანხმებას სარაბიას საკითხთან დაკავშირებით, პაბლოს სანაცვლოდ მადრიდული კლუბი თეთრებს 3 მილიონ ევროს გადაუხდის, ხოლო სამეფო კლუბი შეინარჩუნებს ფეხბურთელის გამოსყიდვის უფლებას.

გასულ სეზონში სარაბიამ კლუბს განუცხადა, რომ ლა ლიგაში თამაში სურს, ამიტომ რეალს იგი არენდით უნდა გაეშვა სადმე, მისი კლუბში დარჩენა მხოლოდ კასტილიელთა სეგუნდა დივიზიონში გადასვლის შემთხვევაში იყო შესაძლებელი. ტორალის გუნდმა კი ეს ვერ მოახერხა და ახლა რეალი იძულებულია გაუშვას ახალგაზრდა ტალანტი ხეტაფეში, მაგრამ ეს იმას არ ნიშნავს, რომ სამეფო კლუბმა ფეხბურთელს კარები დაუხურა, პირიქით ხეტაფეში ის გამოცდილებას მიიღებს და შემდეგ გუნდს დაუბრუნდება.

მოურინიოს ძალიან მოსწონს ეს ფეხბურთელი, მაგრამ იცის იმის შესახებ, რომ იგი ამჟამინდელ რეალში ფეხს ვერ მოიკიდებს და გამოცდილება სჭირდება, ამიტომ თანახმაა ამ ტრანსფერზე. რეალის მწვრთნელს პაბლოს ისეთ კლუბში გაშვება უნდოდა, რომელიც ევროტურნირებზე ასპარეზობს, მაგრამ თავად ფეხბურთელს ქალაქის შეცვლა არ უნდა და ხეტაფეში გადასვლა ურჩევნია.
������� dle 10.1������� ������� ������