25 მილიონი + ერთი ფეხბურთელი
სწორედ ეს არის კოენტრაოს ფასი. გუშინ ესპანური პრესა ავრცელებდა ინფორმაციას, რომ ყველაფერი შეთანხმებულია, მაგრამ საქმე ცოტა არ იყოს გართულდა.
გავრცელებული ინფორმაციის თანახმად სიტყვიერი თანხმობა იყო გუნდებს შორის მიღწეული იყო და რეალი პორტუგალიელ ფეხბურთელს 22 მილიონ ევროდ შეიძენდა, მაგრამ მდგომარეობა მას შემდეგ გართულდა, რაც ვილაშ-ბაოშმა დაადგა თვალი კოენტრაოს. შესაბამისად ფეხბურთელის ფასიც გაიზარდა, მოურინიო კი არ აპირებს უკვე შეძენილი მცველის დაკარგვას, ამიტომ პერესს სთხოვა ყველა საშუალება გამოიყენოს ტრანსფერის "გასაჩარხად". პრეზიდენტმა კი თავისმხრივ ბენფიკას გულის მოგება ახალი შეთავაზებით გადაწყვიტა. ეს არის 25 მილიონი და ამას პლიუს ერთი ფეხბურთელი. ეს წინადადება პორტუგალიური კლუბის ხელმძღვანელობისათვის ნამდვილად მიმზიდველია და სავარაუდიდ როგორც დაგეგმილი იყო, 1 ივლისს რეალი კოენტრაო თეთრ მაისურს მოირგებს.
რაც შეეხება იმ ფეხბურთელთა სავარაუდო სიას, რომელიც მადრიდიდან ბენფიკაში გადაბარგდება, როისტენ დრენტე უდგას სათავეში, მისმა აგენტმა ცოტა ხნის წინ განაცხადა, რომ მისი კლიენტი უარს არ იტყოდა პორტუგალიურ კლუბში გადასვლაზე. აგრეთვე განიხილება ეზეკილ გარაის ვარიანტიც, რომლის შეძენაც ბენფიკას ჯერ კიდევ გასულ სეზონში სურდა.
ინფორმაციის წყარო: as.com
- 29 ივნისი 2011
- 2564
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
