არსენალი ბენზემას სანაცვლოდ 25 მილიონზე მეტს არ გადაიხდის
ლონდონის "არსენალის" მთავარი მწვრთნელი, არსენ ვენგერი სერიოზულად არის დაინტერებული მადრიდელი კარიმ ბენზემას შეძენით, მისი აზრით კარიმი "მეთოფეთა" რიგებში კიდევ უფრო გაიზრდება და მსოფლიოს ერთ-ერთი საუკეთესო ფორვარდი გახდება...
"ჩემი თანამემამულე ბრწყინვალე ფორვარდია, მაგრამ მან დიდი შეცდომა დაუშვა, როდესაც მადრიდში წავიდა სათამაშოდ. "ბლანკოსში" ფეხბურთელის განვითარება ყოველთვის გვიანდება, რადგან იქ თითოეულ შეგირდს უდიდესი ფსიქოლოგიური წნეხის ქვეშ უწევს თამაში. შარშანდელ სეზონში "9"-იანმა საერთოდ ვერ ითამაშა, წელს კი გაცილებით უკეთესი იყო, მაგრამ თუკი იგი ინგლისში გადმოვა, პროფესიონალური კარიერის მხრივ ძალიან წინ წაიწევს."
ამ განცხადების შემდეგ კიდევ უფრო გამძაფრდა ჭორები იმის შესახებ, რომ ფრანგი თავდამსხმელი თანამემამულე მწვრთნელთან ერთად განაგრძობდა კარიერას, მაგრამ ამასთანავე ვრცელდება ინფორმაცია, რომ "მეთოფეები" 25 მილიონზე მეტს არ ჩამოდიან, მადრიდელებს კი ეს თანხა მიზერულად მიაჩნიათ, თავის დროზე პერესმა კარიმის სანაცვლოდ 35 მილიონი გადაიხადა და მას შემდეგ ფრანგი გაცილებით უფრო მეტად გაძლიერდა.
- 9 ივნისი 2011
- 2171
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
