შაჰინი : "გახარებული ვარ რომ ჟოზემ მე ამირჩია"
მადრიდის "რეალის" ახალგაზრდა ახალწვეულმა, ნური შაჰინმა სამეფო კლუბის ოფიციალურ ვებ-გვერდთან ისაუბრა, მისი თქმით "ბლანკოსში" გადასვლა ნებისმიერი ფეხბურთელისთვის კარიერის უმაღლეს ეტაპს ნიშნავს...
"ჩვენ წინასასეზონო მომზადებას 10 ივლისს ვიწყებთ, ჟოზეს გადაწყვეტილება ასეთია. მსურს, რომ გუნდს საუკეთესო ფორმაში შევუერთდე და შესაძლებლობების მაქსიმუმი ვაჩვენო. ამჟამად ფეხზე მცირე დაზიანება მაქვს და იმედს გამოვთქვამ, ივლისის შუა რიცხვებისთვის სრულად ვიქნები განკურნებული."
"მწვრთნელმა ჩემზე გააკეთა არჩევანი, რაც დამატებითი სტიმულია, ეს ლატარიასავით იყო, რომელშიც მე მოვახერხე გამარჯვება. ამჟამინდელი მიზანი მხოლოდ ის არის, რომ დროულად შევისწავლო ესპანური ენა და გუნდთან ადაპტირება არ გამიჭირდეს."
"ფეხბურთელი ძალიან ნიჭიერი უნდა იყოს, რომ ისეთ გუნდში მოხვდეს, როგორიც "ბლანკოსია", ამ გუნდს საკუთარი სტანდარტები აქვს, მე კი ვთვლი, რომ ჩემი მოგების ამბიციებით ესპანური გუნდის სტანდარტებს სრულად დავაკმაყოფილებ."
- 27 მაი 2011
- 2305
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
