ფლორენტინო პერესი აპირებს დაალაგოს სიტუაცია უეფასთან, რომელიც გაფუჭდა "ციურიხთან" მატჩის შემდეგ. პერესი აღშფოთებული ინგლისელი მსაჯის ატკინსონის ქმედებებით. ამ არბიტრმა "რეალის" ექვს ფეხბურთელს უჩვენა ყვითელი ბარათი. ესენი არიან: კასილასი, ლასი, გუტი, გაგო, დრენტე და კაკა. ასევე უსამართლოდ დანიშნეს პენალტი კასილასის კარის მიმართულებით. 22 მაისს "სანტიაგო ბერნაბეუზე" გაიმართება ჩემპიონთა ლიგის ფინალი და "სამეფო კლუბის" პრეზიდენტი აპირებს ყველანაირი პრობლემის გადაჭრას.

როგორც გახდა ცნობილი, პერესმა დაურეკა უეფას პრეზიდენტ მიშელ პლატინის და მიიწვია ჩემპიონთა ლიგის მატჩზე, სადაც ერთმანეთს "რეალი" და "მარსელი" შეხვდებიან. ეს მატჩი შედგება 30 სექტემბერს "სანტიაგო ბერნაბეუზე". თუ პლატინიმ ვერ მოახერხა ამ თამაშზე დასწრება, მაშინ ფლორენტინო მას "რეალი"–"მილანის" შეხვედრაზე შესთავაზებს ჩასვლას, რომელიც 21 ოქტომბერს გაიმართება მადრიდში.

სხვა ვარიანტები

თუ ამანაც არ გაჭრა, ფლორენტინო მიიწვევს პლატინის მადრიდში და აუხსნის, რომ მათ მუდამ მეგობრული დამოკიდებულება ჰქონდათ და ექნებათ უეფასთან.

შვეიცარიაში მიღებული ყვითელი ბარათები შეიძლება გახდეს პრობლემატური ჩემპიონთა ლიგის სხვა შეხვედრებისთვის. როგორც წესია, ყოველი სამი ბარათის შემდეგ ფეხბურთელი დისკვალიფიცირებული იქნება და მოუწევს ერთი მატჩის გამოტოვება. მადრიდელები აპირებენ მიმართონ უეფას, რათა მიიღონ გადამჭრელი ზომები ატკინსონის ქმედებებთან.


ინფორმაციის წყარო: As. com������� dle 10.1������� ������� ������