ბუსკეცი:"მადრიდელები გაძლიერდნენ"
კატალონიის "ბარსელონის" ნახევარმცველმა სერხიო ბუსკეცმა განაცხადა, რომ მადრიდის "რეალი" გაცილებით ძლიერია, ვიდრე ეს უწინ იყო.
"აპრილის თვე საკმაოდ დაძაბულია. გუნდში შესანიშნავი ჰარმონია სუფევს, რის გამოც საერთოდ არ ვნერვიულობ. ვემზადებით ძალიან კარგად, რაც წარმატების საწინდარია. მიუხედავად ყველაფრისა, მაინც არ ვართ ბოლომდე დარწმუნებულნი, ეს ასეც უნდა იყოს. საკუთარი თავის გვჯერა, სხვაგვარად წარმოუდგენელია, ვინაიდან მილიონობით გულშემატკივარი ელის ჩვენს გამოჩენას და მორიგ წარმატებას".
"მადრიდის "რეალი" ნამდვილად გაძლიერდა, ვიდრე ეს წინა წელს იყო (2010) და შესაბამისად მათი დამარცხება გაგვიჭირდება. ჟოზე მოურინიომ იცის, თუ როგორ მოიგოს ჩემპიონთა ლიგა, ისევე როგორც ნებისმიერი სხვა ტურნირი. პორტუგალიელი მართლაც გენიალურია, მაგრამ გუარდიოლა მას არაფრით არ ჩამოუვარდება".
ინფორმაციის წყარო: Sport.es
- 12 აპრილი 2011
- 2483
