საფეხბურთო კლუბი "ციურიხი" C ჯგუფში ყველაზე სუსტი ჩანს. თეორიულად მადრიდის "რეალს" არ უნდა გაუჭირდეს შვეიცარიული კლუბის დამარცხება, თუმცა ფეხბურთში ყველაფერია მოსალოდნელი.

შვეიცარიელები სულმოუთქმენლად ელიან მადრიდის "რეალთან" თამაშს. "ციურიხის" ფეხბურთელები დღეს ისტორიულ მატჩს გამართავენ სამეფო კლუბის წინააღმდეგ და მათ სჯერათ, რომ შემდეგ ეტაპზე გასვლის შანსი აქვთ.

შვეიცარული ფეხბურთის გულშემატკივრები აცხადებენ, რომ "ციურიხი" თამაშობს ჩაკეტილ ფეხბურთს. მათ უყვართ პოზიციების ჩაკეთვა და გამყარება. თუმცა როგორც ერთი, ასევე მეორე გუნდის გულშემატკივრები აცხადებენ, რომ მადრიდის "რეალი" ფავორიტია ამ მატჩში.

ვონლასენი, ალმენ აბდი და ერიკ ჰასლი, ეს ფეხბურთელები "ციურიხის" წამყვან მოთამაშეებად ითვლებიან. სწორედ ამ სამი ფეხბურთელის მეშვეობით შეძლებს სუპერ ლიგაში 4-3 გამარჯვება.

ალმენ აბდი არის სერბი ფეხბურთელი, რომელიც "ციურიხის" ყველაზე ახალგაზრდა მოთამაშეა და იგი შემტევი ნახევამცველის პოზიციაზე თამაშობს. აბდი გამოირჩევა სისწრაფით და ბურთის გასაოცარი კონტროლით. ერიკ ჰალსი კი შვეიცარიულ კლუბში საფრანგეთიდან მოხვდა და ახლა იგი "ციურიხში" მთავარ დამრთყმელ ძალად ითვლება.

ისტორია
საფეხბურთო კლუბი "ციურიხი" დაარსდა 1896 წელს. იგი ერთ-ერთი უძველესი კლუბია შვეიცარიაში. ეს გუნდი მადრიდის "რეალს" 1964 წელს, ევროპის თასის ნახევარფინალში შეხვდა. ბოლოს "ციურიხი" 1977 წელს "ლივერპულს" შეხვდა უეფას ჩემპიონთა ლიგაზე. მას შემდეგ შვეიცარული კლუბი ვერ გადიოდა ამ ტურნირზე. დღეს კი მათ მოიკრიბეს ძალები და მადრიდის "რეალის" დამარცხებას შეეცდებიან.