"რონალდოსნაირი ვერ ვიქნები”
მადრიდის ”რეალის” საყრდენმა, სემი ხედირამ, ესპანელ ჟურნალისტებს ინტერვიუ მისცა...
”მოურინიო შესანიშნავი მწვრთნელია. ჩვენ მას ვენდობით და ის ჩვენ გვენდობა. სწორედ მისი დამსახურებაა ის, რომ გუნდში იდეალური ატმოსფეროა”.
”მე ხშირად ვესაუბრები ჟოზეს და ვიხიბლები ამ ადამიანით. მისგან ბევრ რამეს ვსწავლობ. ჟოზე 100%-იან ნდობას მიცხადებს, ვინაიდან მან იცის, რომ მე მუდამ ბოლომდე ვიბრძვი და ვიცი ჩემი დანიშნულება მოედანზე”.
”ჟოზეს გუნდი შესანიშნავად ჰყავს დაბალანსებული. ძალიან მიადვილდება ხაბი ალონსოსთან ერთად თამაში. მე, ხაბი, ოზილი, რონალდო და ბენზემა ერთამენთს ვავსებთ. ვერ ვიტყვი, რომ ისეთი ტექნიკური ვარ, როგორებიც: ოზილი, კრიშტიანო და კარიმი არიან, მაგრამ ჩემ მოვალეობებს თავს კარგად ვართმევ, თუმცა კიდევ ერთხელ ვიტყვი რონალდოსნაირი ვერ ვიქნები”.
”ამ მომენტისთვის უბედნიერესი ვარ, რადგან ვგრძნობ, რომ გუნდში მნიშვნელოვანი როლი მაკისრია”.
”ოზილს დიდი ხანია ვიცნობ და შემიძლია ვთქვა, რომ ის ფეხბურთისთვის არის დაბადებული. მესუთს აქვს არაჩვეულებრივი ტექნიკა და ფინტების არსენალი. მე ამ ფეხბურთელით აღტაცებული ვარ”.
”ხაბი ალონსო უნიკალურია ტაქტიკრუადაც და ტექნიკურადაც. მას შეუძლია შეტევების ჩაშლაც და მათი ორგანიზებაც. ”რეალის” თამაში სწორედ მასზეა დამოკიდებული. ის საუკეთესოა თავის პოზიციაზე”.
წყარო:as.com
- 27 მარტი 2011
- 2115
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
