მუნიტისი : "რეალი" კრიშტიანოს გარეშეც სახიფათოა
მადრიდის "რეალის" დღევანდელი მოწინააღმდეგის, სანტანდერის "რასინგის" წამყვანმა მოთამაშემ და კაპიტანმა, პედრო მუნიტის ალვარესმა მომდევნო შეხვედრაზე ისაუბრა...
"სამეფო კლუბში უამრავი ძლიერი ფეხბურთელი ირიცხება, რომელსაც თვითონვე შეუძლია მატჩის ბედის გადაწყვეტა, თან სულ რაღაც წამებში. დედაქალაქელებს ბრწყინვალე შემსრულებლები ჰყავთ და კრიშტიანო რონალდოს არყოფნა "ბლანკოსისთვის" ძალიან დიდი პრობლემა არ იქნება. დარწმუნებული ვარ ისინი კვლავ ჩვეულ ფეხბურთს ითამაშებენ."
"ჟოზე მოურინიო ბრწყინვალე დამრიგებელია და იგი აუცილებლად იპოვის გამოსავალს. რონალდოს და კაკას არყოფნა რა თქმა უნდა დანაკლისია, მაგრამ ვფიქრობ, დედაქალაქელებთან თამაში მაინც ძალიან გაგვიჭირდება, ყველაფერს გავაკეთებთ თუნდაც ქულის გადასარჩენად, მაგრამ ვიცით, რომ ძალიან რთული მატჩის ჩატარება მოგვიწევს."
"სამეფო კლუბი იუბილარია, ამ გუნდს უდიდეს პატივს ვცემ და ვიცი, რომ დღეს ისინი დიდი მონდომებით ითამაშებენ, რადგან დაბადების დღე გამარჯვებით აღნიშნონ."
"როსენბერგის თამაში საეჭვო იყო, რადგან მას მცირე დაზიანება აღენიშნებოდა, მაგრამ ექიმებმა ყველაფერი გააკეთეს და იგი ჩვენ დაგვეხმარება, წინა ხაზში მის გარეშე თამაში ძალიან გაგვიჭირდებოდა. ურთულესი შეხვედრის გამართვა მოგვიწევს, მაგრამ ვიმედოვნებ, რომ დადებით შედეგს მივაღწევთ."
- 6 მარტი 2011
- 1733
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
