“რეალი” და “ესპანიოლი” ესპანეთის საფეხბურთო ისტორიაში ნამდვილად გამორჩეული გუნდები არიან. ორივენი უკვე 100 წელზე მეტია, რაც არსებობენ და 70 სეზონზე მეტი აქვთ გატარებული ესპანეთის ჩემპიონატის უმაღლეს ლიგაში. რაც შეეხება ურთიერთშეხვედრებს: ჩატარებული 150 მატჩიდან, “რეალმა” 85 მოიგო, “ესპანიოლმა” 34, ხოლო 31 შეხვედრა ფრედ დასრულდა.

ამ გუნდებს შორის გამართული პირველი შეხვედრა 1929 წლის 24 მარტით თარიღდება. მაშინ, “რეალმა” მეტოქე 4-0 დაამარცხა.

მადრიდელებს “ესპანიოლის” კარში, ჯამში, 320 გოლი აქვთ გატანილი, ხოლო 184 გაშვებული.

1991/92 წ.წ. სეზონში, ლეო ბეენჰაკერის თავკაცობით, “რეალმა” მეტოქე 7-0-ზე გაანადგურა. გოლები ფერნანდო იერომ (4), ემილიო ბუტრაგენიომ (2) და გეორგე ჰაჯიმ გაიტანეს. იმავე სეზონის განმეორებით შეხვედრაში, სტუმრად ბარსელონაში, “ბლანკოსმა” მასპინძლები კვლავ გაანადგურა, 5-1.

ისტორიული დაპირისპირებები
ბოლო წლებში ამ გუნდებს შორის გამართულ მატჩებში, გამარჯვებულის ბედს ერთი გოლი წყვეტდა. ასე მოხდა 2006/07 წ.წ. სეზონის პირველ წრეში, როცა “სამეფო კლუბმა” “მონჟუიკზე” რუუდ ვან ნისტელროის გოლით მოიგო. ნამდვილი სპექტაკლი გამოდგა იმავე სეზონის მეორე წრეში “რეალისა” და “ესპანიოლის” განმეორებითი შეხვედრა, - “ბერნაბეუზე” კატალონიელები 2-0 დაწინაურდნენ. ნისტელროიმ სხვაობა კი შეამცირა, თუმცა პანდიანის მორიგი გოლით, პირველი ტაიმი 1-3 დასრულდა, სტუმართა სასარგებლოდ. შეხვედრის მეორე ნახევარში, რაულის, რეიესისა და იგუანის გოლებით, “რეალმა” გამარჯვება და საჩემპიონო რბოლაში მეტად მნიშვნელოვანი 3 ქულა მაინც მოიპოვა.

ამ გუნდების ბოლო მატჩი “მონჟუიკზე” გაიმართა. “რეალმა” მატჩი 2-0 მოიგო, რაულისა და გუტის გოლებით. ეს მადრიდელთა ზედიზედ მოპოვებული მეათე გამარჯვება გამოდგა. ხუანდე რამოსის გუნდმა “ბარსელონასთან” საჩემპიონო რბოლაში ქულათა სხვაობა ოთხამდე დაიყვანა. რაც შეეხება გოლებს: გუტიმ შესანიშნავი ჯარიმით გახსნა ანგარიში, ხოლო რაულმა საჯარიმოს გარედან მოხდენილი დარტყმით საბოლოო წერტილი დაუსვა შეხვედრას.

ინფორმაციის წყარო: RealMadrid.Com������� dle 10.1������� ������� ������