18 წლის ხესე როდრიგესმა, რომელიც კანარიის კუნძულებიდან არის წარმოშობილი და "ხუვენილ ა" - ში თამაშობს, ახალ კონტრაქტს მოაწერა ხელი "სამეფო კლუბთან".

როგორც მოგეხსენებათ, მადრიდის "რეალის" ახალგაზრდა ფეხბურთელებით დაინტერესებულია სხვადასხვა ევროპული კლუბები. სწორედ ამიტომ, რეალის ხელმძღვანელობა ყველანაირად ცდილობს, შეინარჩუნოს თავისი აღზრდილი ფეხბურთელები.

პირველი ნაბიჯი, ხესე როდრიგესის ახალი კონტრაქტი გახლდათ. ხესე რეალში 2014 წლის 30 ივნისამდე დარჩება. როდრიგესი "ბლანკოსის" აღზრდილთაგან, ერთერთი ყველაზე წარმატებული ფეხბურთელია. მას "რეალ მადრიდ კასტილიაშიც" აქვს ნათამაშევი. აგრეთვე ახალგაზრდა ფეხბურთელმა, ესპანეთის ეროვნულ ნაკრებთან ერთად, სხვადასხვა ასაკობრივ კატეგორიებშიც მოასწრო თამაში. ამას გარდა, პერესს სურს, "ბლანკოსის" კიდევ ერთ აღზრდილ ფეხბურთელს - დერიკს მოაწერინოს კონტრაქტზე ხელი.