სრული სახელი და გვარი: რუტგერუს იოჰანეს მარტინიუს ვან ნისტელროი

დაბადების თარიღი: 1976 წლის 1 ივლისი

დაბადების ადგილი: ოსი, ჰოლანდია

პოზიცია: თავდამსხმელი

კარიერა: 1993-1997 “დენ ბოსხი” 69(17)

1997-1998 “ჰერენვენი” 31(13)

1998-2001 “პსვ” 82(71)

2001-2006 “მანჩესტერ იუნაიტედი” 201(150)

2006- “რეალი” 95(65)

სანაკრებო კარიერა: 1998- ჰოლანდია 75(49)

ნისტელროიმ თავისი საფებხურთო კარიერა 1993 წელს დაიწყო, “დენ ბოსხში”, სადაც თავიდან ცენტრალური მცველი გახლდათ, შემდეგ კი ფორვარდად გადაკვალიფიცირდა. 1996-1997 წ.წ. სეზონში 13 მატჩში რუუდმა 12 გოლი გაიტანა და შედეგად ის “ჰერენვენმა” იყიდა. ამ გუნდში რუუდმა ერთი სეზონი დაჰყო და 31 მატჩში 13 გოლის გატანაც მოახერხა. 1998 წლის ზაფხულში ნისტელროი “პსვ ეინდჰოვენმა” შეიძინა 6.3 მილიონ ევროდ.

ეინდჰოვენში პირველივე სეზონში რუუდმა 34 მატჩში 31 გოლი გაიტანა. 1998 წლის 25 ნოემებრს კი ჩემპიონთა ლიგაში მისი დებიუტი ჰეთ-თრიკით აღნიშნა, ჰელსინკის “ჰიკის” წინააღმდეგ. ერდივიზიონში ის ცხადია ბომბარდირი გახდა და წლის ბოლოს ჩემპიონატის საუკეთესო ფებხურთელისათვის განკუთვნილი ჯილდოც გადასცეს. რუუდის მეორე სეზონი კი სულ მთლად შთამბეჭდავი გამოდგა, 23 მატჩში 29(!) გოლი. კიდევ ერთი ბომბარდირის ტიტული. ევროტურნირებზე კი ნისტელროიმ პსვ-ს რიგებში 15 მატჩი ჩაატარა და 9 გოლი გაიტანა.

2001 წლის აპრილში 19 მილიონ ევროდ ჰოლანდიელი მანჩესტერ იუნაიტედმა შეიძინა. პირველივე პრემიერლიგურ სეზონში ნისტელროი წლის საუკეთესო ფეხბურთელად დაასახელეს. სადებიუტო სეზონში კი 32 მატჩში 23 გოლი გაიტანა. ჩემპიონთა ლიგაში კი რუუდმა 11 მატჩში 10 გოლის გატანა მოახერხა. 2002-2003 წლების სეზონში ჰოლანდიელმა ფეხბურთელმა ევროტურნირებზე თავი ისევ გამოიჩინა 10 მატჩში 14(!) გოლი გაიტანა. გარდა ამისა, რუუდმა პრეიმიერლიგაც მოიგო. 2003-2004 წლების სეზონში კი რუუდმა მანჩესტერის რიგებში თავისი მე-100 გოლი გაიტანა. ეს 2004 წლის 7 თებერვალს მოხდა, “ევერტონთან” მატჩში. 2004-2005 წლების სეზონი ჰოლანდიელს ტრავმის გამო გაუცდა და მან საერთო ჯამში 26 მატჩში 16 გოლის გატანა მოახერხა. 2005-2006 წლების სეზონი კი ბოლო გამოდგა რუუდის მანჩესტერულ კარიერაში. მან ფერგიუსონთან უთანხმოების გამო კლუბი დატოვა.

2006 წლის 14 ივლისს, მადრიდის “რეალმა” ვან ნისტელროი 18 მილიონ ევროდ შეიძინა. რუუდმა კლუბთან 3-წლიანი კონტრაქტი გააფორმა. რუუდმა გოლების გატანა მადრიდულ გუნდშიც დაიწყო. 2006 წლის 10 სექტემებრს თავის მეორე მადრიდულ თამაშში, ჰოლანდიელმა ჰეთ-თრიკი შეასრულა, “ლევანტესთან” მატჩში. ამას დაემატა გოლი ელ-კლასიკოზე, დუბლი ჩემპიონთა ლიგაზე, კიევის “დინამოსთან მატჩში. საბოლოო ჯამში რუუდმა პრიმერაში 37 მატჩში 25 გოლი გაიტანა და პირველივე სეზონში “პიჩიჩის” ტიტული მოიგო, ანუ გახდა პრიმერას საუკეთესო ბომბარდირი. სეზონის ბოლო, გადამწყვეტ მატჩში, “მალიორკას” წინააღმდეგ, რუუდმა ტრავმა მიიღო, თუმცა რეალი ჩემპიონი მაინც გახდა. რუუდმა გოლების გატანას არც ბერნდ შუსტერის მწვრთნელობისას მოუკლო და შედეგად, 2007 წლის ზამთარში მან რეალთან კონტრაქტი 2010 წლამდე გაახანგრძლივა.

ნისტელროი ჰოლანდიის ნაკრების ერთერთი ლიდერია. ევრო 2004-ზე მილან ბაროშთან ერთად ის იყო ერთადერთი ფეხბურთელი, რომელმაც ჯგუფური ეტაპის სამივე მატჩში გამოიჩინა თავი. მსოფლიოს ჩემპიონატზე კი რუუდმა 1 გოლის გატანა მოახერხა, არც იმით იყო გამოწვეული, რომ ჰოლანდიელი ძირითადად შეცვლებზე თამაშობდა. მუნდიალის შემდეგ, გარკვეული პერიოდის განმავლობაში ვან ბასტენი მას ნაკრებში არ იძახებდა, თუმცა რუუდი დაბრუნდა და ევრო 2008-ის შესარჩევზე 4 მატჩში 2, საკმაოდ მნიშვნელოვანი გოლიც გაიტანა. 2004 წლის მარტში რუუდი შეიყვანეს სიაში, რომლის სახელწოდებაა “125 ყველა დროის საუკეთესო ფეხბურთელი”. ნისტელროიმ სურვილი გამოთქვა, რომ თავისი ეროვნული გუნდის სახელით იასპარეზოს პეკინის ოლიმპიადაზე, რომელიც 2008 წლის ზაფხულში გაიმართება.

რუუდს ჰყავს მეუღლე, - ლეონტინ სლაატსი. რეალის ფეხბურთელმა 2004 წლის ივლისში იქორწინა და 2006 წლის სექტემებრს მას შვილიც შეეძინა. ნისტელროის ქალიშვილს მოა ანეტი ჰქვია.

ტიტულები:

ერედივიზიონი: 1999-2000, 2000-2001.

ჰოლანდიის სუპერთასი: 1999, 2000.

პრემიერლიგა: 2002-2003.

ინგლისის სუპერთასი: 2003.

ინგლისის ასოციაციის თასი: 2004

ინგლისის ლიგის თასი: 2006.

ლა ლიგა: 2006-2007,2007-2008

პირადი ტიტულები:

ჰოლანდიის ჩემპიონატის საუკეთესო ბომბარდირი: 1998-1999, 1999-2000.

ჰოლანდიის წლის საუკეთსო ფეხბურთელი:1999, 2000.

ჩემპიონთა ლიგის საუკეთესო ბომბარდირი: 2001-2002.

ჩემპიონთა ლიგის საუკეთესო ფორვარდი: 2002-2003

ინგლისის წლის საუკეთესო ფეხბურთელი: 2002

ინგლისის ჩემპიონატის საუკეთესო ბომბარდირი: 2002-2003

ესპანეთის ჩემპიონატის საუკეთსო ბომბარდირი: 2006-2007.

კლუბური სტატისტიკა:

“დენ ბოსხი”(1993-1997) [69 მატჩი - 17 გოლი]

ჰოლანდიის ჩემპიონატში: 69 მატჩი 17 გოლი

“ჰერენვენი” (1997-1998) [31 მატჩი - 13 გოლი]

ჰოლანდიის ჩემპიონატში: 31 მატჩი - 13 გოლი

“პსვ ეიდჰოვენი” (1998-2001) [82 მატჩი - 71 გოლი]

ჰოლანდიის ჩემპიონატში: 67 მატჩი - 62 გოლი

ევროთასები: 15 მატჩი - 9 გოლი

“მანჩესტერ იუნაიტედი” (2001-2006) [201 მატჩი - 150 გოლი]

ინგლისის ჩემპიონატში: 140 მატჩი - 95 გოლი

ინგლისის თასები: 19 მატჩი - 17 გოლი

ევროთასები: 42 მატჩი - 38 გოლი

“რეალი” : [95 მატჩი - 65 გოლი]

პრიმერაში: 82 მატჩი - 54 გოლი

ესპანეთის თასზე: 2 მატჩი - 2 გოლი

ევროთასები: 14 მატჩი - 10 გოლი������� dle 10.1������� ������� ������