პორტუგალიელი "ლა ლიგაში" ერთადერთი ფეხბურთელია ირაოლასთან ერთად, რომელმსაც ყველა მატჩი ბოლომდე აქვს ჩატარებული. "ის ძალიან მონდომებულია, ფიზიკურად ძლიერია და საერთოდ არ იღლება. რატომ უნდა შევცვალო ?" – განაცხადა ჟოზე მოურინიომ. რონალდოს მუდამ სურს თამაში. კრიშტიანოს მესისთან ერთად გოლების თანაბარი რაოდენობა აქვს და მისი სურვილია, რომ გადაასწროს არგენტინელს.

"დეპორტივოსთან" მატჩში, ჟოზე გუნდის შემადგენლობაში ცვლილებებს შეიტანს. ძირითადში ითამაშებენ ბენზემა, მარსელო და დიარა. აგრეთვე, საეჭვოა კარვალიოს თამაში. პორტუგალიელი გადაღლილია და დასვენება სჭირდება. თუ ის დაისვენებს, სავარაუდოდ, რიკარდოს ნაცვლად ალბიოლი ითამაშებს.