“კასტილიამ” სეზონი წარუმატებლად დაიწყო. მადრიდელები პირველ ტურში, თანაქალაქელ “ატლეტიკოსთან” დამარცხდნენ, 1-3. დღეს კი მენენდესის გუნდი სანტანდერს ესტუმრება და “რასინგის” სარეზერვო გუნდს გაეჯიბრება.

“რასინგმაც” ცუდად დაიწყო სეზონი. სანტანდერელები პირველ ტურში “ლეგანესმა” 4-1-ზე გაანადგურა. თუმცა მიუხედავად ამისა, “რასინგი” საკუთარი სკოლით ესპანეთში ერთ-ერთი საუკეთესოა, წელს ამ გუნდის ორმა ასაკობრივმა ნაკრებმა (14 და 16 წლამდელებმა) ესპანეთის ახალგაზრდული ჩემპიონატები მოიგეს.

რაც შეეხება “კასტილიას”: ალეხანდრო მენენდესი შემადგენლობაში გარკვეულ ცვლილებებს მიმართავს. ტრავმის შემდეგ დაბრუნდა ხავი აკუნია, რომელიც თავდასხმაში ტრავმირებული კრისტიანის ადგილს დაიკავებს. ამ უკანასკნელმა გასულ ტურში სადებიუტო გოლი გაიტანა “რეალი ბ”-ს რიგებში და მთავარ გუნდთან ერთადაც ივარჯიშა. მუხლის ტრავმა მოირჩინა “ერკულესიდან” შეძენილმა რაულ რუისმა და დღეს მის დებიუტსაც ელიან.

“კასტილიას” სრული განაცხადი დღევანდელი მატჩისთვის ასე გამოიყურება:

მეკარეები: ადანი, ტიტო.
მცველები: ველაიოსი, ხუანანი, გარი, მატეოსი, მარკოს ალონსო.
ნახევარმცველები: კორდერო, მოსკერა, მარკოს ტებარი, ხუან კარლოსი, რაულ რუისი, ხუანფრანი.
თავდამსხმელები: აკუნია, ხავი ერნანდესი, სჟალაი.

ინფორმაციის წყარო: RealMadrid.Com������� dle 10.1������� ������� ������