ბოლო ორი მატჩი მადრიდის რეალმა ძალიან დაძაბულ ბრძოლაში მოიგო და ორივე გამარჯვება მთლიანად ბენზემას დამსახურებაა. მისმა გამოცოცხლებამ, როგორც ხელმძღვანელობას ასევე გულშემატკივრებს დაუბრუნა იმედი, რომ ბლანკოსს მაღალი დონის თვდამსხმელი ჰყავს.

მიუხედავად იმისა, რომ კარიმს შესანიშნავი კვირა ჰქონდა, მოურინიოს თხოვნით ხელმძღვანელობამ კიდევ ერთი "ცხრიანი" - ადებაიორი დაიმატა. შესაძლოა სწორედ ემანუელის ტრანსფერმა იმოქმედა დადებითად ბენზემას ათამაშებაზე, რადგან მას კონკურენტი გამოუჩნდა ძირითად შემადგენლობაში ადგილისათვის, ან უბრალოდ დაიღალა ამდენი კრიტიკით და გადაწყვიტა ყველას თავისი ნამდვილი სახე დაანახოს.

ბენზემამ მატჩის შემდეგ გამომცემლობა marca-ს ჟურნალისტებს განუცხადა, რომ მას სურს მადრიდის რეალის ისტორიაში შესვლა და გუნდის დახმარება. ხოლო მოურინიომ განაცხადა, რომ ადებაიორის ტრანსფერი არაფერს შეცვლის ბენზემა დარჩება გუნდის ძირითად ფორვარდად, თუმცა მას მოუწევს შრომა ადგილის შესანარჩუნებლად, ტოგოელი ფორვარდის ტრანსფერი გუნდში კონკურენციის ასამაღლებლად გაიჩარხა, რაც როგორც გუნდს, ასევე კარიმ ბენზემასაც წაადგება.