სათაურის გამო ვიცი ბევრ თქვენგანს გაეცინება , მაგრამ ეგ არაფერი. იმედია მიხვდებით, თუ რატომ აქვს ამ სტატიას ასეთი სათაური უბრალოდ მინდა შევეხო სამხრეთ ამერიკის კონტინენტის (და არა მარტო ამ კონტინენტის) ორი უძლიერესი გუნდის შეხვედრას.

დღეს 2010 წლის მსოფლიო ჩემპიონატის შესარჩევი ტურის ეგიდით ერთმანეთს დაუპირისპირდებიან ბრაზილიისა და არგენტინის ეროვნული ნაკრებები. იმ შემთხვევაში თუ დიეგო მარადონას შეგირდები მოახერხებენ საჭირო სამი ქულის აღებას, მაშინ მათ არ მოუწევთ ზედმეტად თავის ატკივება, მაგრამ წაგების შემთხვევაში მათდამი ზეწოლა გაძლიერდება 9 სექტემბრის მატჩის წინ, რომელსაც ისინი პარაგვაის წინააღმდეგ გამართავენ. სრულიად საპირისპირო სიტუაციაა დუნგას შეგირდებში, ისინი შესანიშნავ ფორმაში იმყოფებიან და მათი ბედი პრაქტიკულად გარკვეულიცაა. მათ ისე არ ესაჭიროებათ დღევანდელი სამი ქულა, როგორც არგენტინელებს. მაგრამ მიუხედავად ამისა, ალბათ არავინ ელის, რომ ისინი აგდებულად ითამაშებენ საუკუნოვანი მეტოქის წინააღმდეგ.

წყარო: realmadrid.com