სულ ცოტა ხნის წინ მადრიდის "რეალს" ტოგოელი ფორვარდი, ემანუელ ადებაიორი შეუერთდა. ემანუელის სამშობლო ტოგოა, ამ ქვეყანას არც ისე ბევრი ცნობილი ფეხბურთელი ჰყავს, ერთ-ერთი ყველაზე პოპულარული მოთამაშე სწორედ ადებაიორია. აღსანიშნავია, რომ მისი ტრანსფერით განსაკუთრებით იანვრის თვეში ინტერესდებიან ხოლმე, სანამ "ადე" მანჩესტერ "სიტიში" გადავიდოდა, მანამდე ლონდონის "არსენალის" ღირსებას იცავდა და საკმაოდ წარმატებითაც, იყო დრო, როდესაც ტოგოელი მოთამაშე არსენ ვენგერის მთავარი კოზირი იყო, ახლა კი ხსენებული მოთამაშე "ბერნაბეუზე" იასპარეზებს...

1999 წელს ადებაიორი კლუბ "სპორტინგში" გამოჩნდა, სადაც ცოტა ხანი იასპარეზა, მან ადგილობრივ კლუბში კარგი თამაშით ფრანგული კლუბების ყურადღება მიიპყრო და მალევე "მეცში" გადავიდა, საფრანგეთის ჩემპიონატში მან თავი კარგად წარმოაჩინა და ფრანგული გრანდებიც დააინტერესა, იმ დროს "მონაკო" უძლიერეს კლუბად ითვლებოდა და ემანუელიც სწორედ ამ კლუბში გადავიდა. ფრანგებმა მაშინ ჩემპიონთა ლიგის ფინალშიც გააღწიეს, სადაც ჟოზე მოურინიოს მიერ დამოძღვრილ "პორტოს" ვერაფერი მოუხერხეს და მეორე ადგილს დასჯერდნენ. 2006 წელს ტოგოელი მოთამაშე ლონდონში ჩავიდა და "არსენალის" ფორმა მოირგო, იგი არსენ ვენგერის მთავარ კოზირად ითვლებოდა. "რეალამდე" ადებაიორმა მანჩესტერ "სიტიში" იასპარეზა.

ადებაიორის სახით ლონდონის "არსენალის" მთავარ მწვრთნელს, ბრწყინვალე წინახაზელი ჰყავდა, მან სადებიუტო შეხვედრაში 21-ე წუთზე აიღო მეტოქის კარი და ინგლისელთა გული მალევე მოიგო. საერთოდ პრემიერ ლიგაში ტოგოელმა 81 გოლის გატანა მოახერხა. ადებაიორს ასევე ორჯერ აქვს ნათამაშები ჩემპიონთა ლიგის ფინალში, სამწუხაროდ იგი ორივეჯერ დამარცხდა, ერთხელ "მონაკოს" შემადგენლობაში "პორტოსთან", ხოლო მეორედ "არსენალის" შემადგენლობაში "ბარსელონასთან", აღსანიშნავია, რომ "არსენალში" ასპარეზობის დროს ტოგოელმა ჩემპიონთა ლიგაზე 10 მატჩი გამართა და 4 გოლი გაიტანა. (საუბარია იმ სეზონზე, როდესაც მეთოეები ფინალში გავიდნენ).



ემანუელმა "არსენალის" მაისურით 62 გოლის გატანა შეძლო, 2008 წელს იგი აფრიკის საუკეთესო მოთამაშედაც აღიარეს.

2009 წელს ტოგოელი მოთამაშე მანჩესტერ "სიტიში" გადავიდა, სადაც პირველ სეზონში 31 თამაშში 14 გოლი გაიტანა, წლევანდელ სეზონში კი მის ანგარიშზე 13 შეხვედრა და 5 გოლია.

PFA ს წლის მოთამაშე: 2008 წელი;
აფრიკის წლის ფეხბურთელი - 2008;
ტოგოს წლის ფეხბურთელი: 2005, 2006, 2007, 2008

������� dle 10.1������� ������� ������