ფეხბურთელთა შეფასებები
როგორც მოგეხსენებათ, გუშინ საღამოს "ვისენტე კალდერონზე" ესპანეთის სამეფო თასის ეგიდით ძალიან საინტერესო შეხვედრა გაიმართა, რომელშიც ერთმანეთს თანაქალაქელები - მადრიდის "რეალი" და მადრიდის "ატლეტიკო" დაუპირისპირდნენ. გასული შეხვედრა "თეთრების" გამარჯვებით 1-0 დასრულდა.
იკერ კასილასი 6
მიუხედავად იმისა, რომ გუშინდელ მატჩში, იკერ კასილასმა ერთი მიუტევებელი შეცდომა დაუშვა, მან საკუთარი კარის მშრალად შენახვა მოახერხა და მატჩი საკმაოდ მაღალ დონეზე ჩაატარა.
ალვარო არბელოა 7
გუშინდელ მატჩში, ალვარო არბელოამ, ხოსე ანტონიო რეიესს ძალიან სერიოზული ტრავმა მიაყენა, რის გამოც ვეტერან ესპანელ ფეხბურთელს მოედნის ნაადრევად დატოვება მოუხდა. საერთო ჯამში, მადრიდის "რეალის" მარჯვენა მცველმა საკმაოდ კარგი შთაბეჭდილება დატოვა.
რაულ ალბიოლი 7
რაულმა ბრწყინვალე შეხვედრა ჩაატარა. მას პირველ ტაიმში ბევრი საქმე არ ჰქონია, თუმცა შეხვედრის მეორე 45 წუთში მან არაერთხელ განმუხტა მასპინძელთა სახიფათო შეტევები.
სერხიო რამოსი 7
რამოსმა "ატლეტიკოს" წინააღმდეგ გამართულ მატჩში ძალიან მაღალ დონეზე იასპარეზა, იგი არ აძლევდა მეტოქე გუნდის ფეხბურთელებს ბურთის მიღების საშუალებას და გუნდს შეტევათა განვითარებაშიც ეხმარებოდა (მოგეხსენებათ საგოლე გადაცემა სერხიოს ანგარიშზეა).
მარსელო 8
მარსელო საოცარ ფორმაშია. ეს ბრაზილიელი ახალგაზრდა სულ რაღაც 22 წლისაა და უკვე ახერხებს უმაღლესი დონის ფეხბურთის ჩვენებას. წლევანდელ სეზონში ჟუნიორი მადრიდის "რეალის" რიგებში საუკეთესო, თუ არა ერთერთი საუკეთესო ფეხბურთელია. მან გუშინდელ მატჩშიც დიდებულად იასპარეზა.
სამი ხედირა 7
გერმანელ ნახევარმცველს "ვისენტე კალდერონზე" გამართული მატჩი ძვირად დაუჯდა. მას ყოფილმა 'კანტერანომ' - ხუანფრანმა ძალიან მძიმე ტრავმა მიაყენა.
ჩაბი ალონსო 8
ჩაბის როგორც სჩვევია, გუშინდელ მატჩშიც შესანიშნავად წარუძღვა გუნდის თამაშს და მოედნის ცენტრს მშვენივრად აკონტროლებდა.
მესუტ ოზილი 7
ფეხბურთში სილამაზის კონკურსი რომ არსებობდეს, ამ ჯილდოს უდავოდ მესუტი დაისაკუთრებდა, იგი ბურთის ყოველი შეხების შემდეგ ძალიან ლამაზ მოძრაობას აკეთებს და ფაქტობრივად ბურთს არასდროს კარგავს.
რიკარდო კაკა 7
ბრაზილიელი ნახევარმცველი შეხვედრის მსვლელობას ძალიან კარგად მოერგო, იგი დღითიდღე იბრუნებს სასურველ ფორმას და საკმაოდ მაღალი დონის ფეხბურთს სთავაზობს მადრიდულ "ინჩადას".
ანხელ დი მარია 5
რაც არ უნდა გასაკვირი იყოს, "ვისენტე კალდერონზე" გამართულ მატჩში, სტუმართა რიგებში ყველაზე სუსტად ანხელ დი მარია გამოიყურებოდა, რომელიც სამეფო კლუბის საუკეთესო ტრანსფერად აღიარეს.
კრიშტიანო რონალდო 8
რონალდომ გუშინდელ შეხვედრაში ძალიან კარგად ითამაშა. მოურინიომ რონი ფორვარდის პოზიციაზე გაამწესა, პორტუგალიელმა თავდამსხმელის ფუნქციები უშუალოდ შეითავსა და მეტოქის დამარცხებაში უმნიშვნელოვანესი წვლილი შეიტანა.
ფერნანდო გაგო 5
მიუხედავად იმისა, რომ გაგომ მოედანზე მხოლოდ 5 წუთი დაჰყო, მან მოახერხა და მეტოქის წაქცევისთვის ყვითელი ბარათი დაიმსახურა.
ესტებან გრანერო 6
"ალმერიასთან" მატჩის გმირმა, გუშინდელ მატჩში საკმაოდ უხეიროდ ითამაშა, იგი ძალიან ცუდად ჩაერთო შეხვედრაში და ღირებული მომენტის შექმნა ვერ მოახერხა.
რიკარდო კარვალიო 8
კარვალიომ "კალდერონზე" საოცარი შეხვედრა ჩაატარა. ვეტერანი პორტუგალიელი, თავისი ასაკის მიუხედავად ძალიან ბევრს დარბოდა, იგი როგორც დაცვის ხაზში, ასევე შეტევებშიც მონაწილეობდა.
ინფორმაციის წყარო: DefensaCentral.Com
ავტორი: Kevlish...
- 21 იანვარი 2011
- 3039
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
