ოზილი : "სათასო შეხვედრაზე უნდა ვიფიქროთ"
მესუთ ოზილმა განაცხადა, რომ "სევილიასთან" გამარჯვება ძალიან კარგია და გუნდი მშვენიერ ხასიათზე ხვდება სათასო შეხვედრას, მაგრამ ეიფორია არ არის საჭირო, რადგან "ლევანტე" ყველაფერს გააკეთებს მადრიდის "რეალთან" კარგი შედეგის საჩვენებლად, ამიტომ მოურინიოს შეგირდებს დიდი ყურადღების მომართვა მოუწევთ მომდევნო შეხვედრაზე...
"გამარჯვება ბრწყინვალე იყო, მთელი თამაშის მანძილზე ვაკონტროლებდით სიტუაციას, მაგრამ 3 ქულის აღება რა თქმა უნდა ურთულესი იყო, რადგან "სევილია" ძლიერი გუნდია მიუხედავად იმისა, რომ ამ დროისთვის ისინი არ არიან საუკეთესო ფორმაში."
"მომდევნო შეხვედრაზე უნდა ვიფიქროთ, ჩვენ მწარე გაკვეთილი მივიღეთ "ლევანტესთან" პირველ შეხვედრაში, როდესაც ვერ შევძელით მათი დამარცხება. შეცდომები უნდა გავაანალიზოთ და მომდევნო შეხვედრას სერიოზულად მივუდგეთ."
"Copa Del Rey არის ტურნირი, რომელიც "ბლანკოსს" უკვე დიდი ხანია არ მოუგია. ძალიან მსურს მადრიდული კარიერის პირველივე სეზონში მოვახერხო სამეფო თასის დაუფლება და გულშემატკივრებთან ერთად ზეიმი."
- 20 დეკემბერი 2010
- 2493
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
