კანალესის შეძენით ხეტაფეც ინტერესდება
მოგეხსენებათ, სერხიო კანალესის კარიერა სამეფო კლუბის შემადგენლობაში არც ისე კარგი და ნაყოფიერი გამოდგა, ახალგაზრდა მოთამაშემ ვერ გაუძლო დიდ კონკურენციას და იგი მეტ დროს სათადარიგოთა სკამზე ატარებს, ამჟამად ახალგაზრდა ესპანელი ტრავმირებულია...
ბევრი მითქმა-მოთქმა იყო იმის შესახებ, რომ სერხიო "რეალს" დატოვებდა და სანტანდერის "რასინგში" განაგრძობდა კარიერას, სწორედ ამ გუნდიდან გადმოიყვანეს ხსენებული ფეხბურთელი "ბლანკოსში". ტრანსფერის იჯარის სახე უნდა ჰქონოდა და კანალესს სანტანდერში წელიწადნახევარი უნდა დაეყო, ამით კი იგი მეტ სათამაშო პრაქტიკას და გამოცდილებას მიიღებდა.
დღეს გავრცელებული ინფორმაციით კი სერხიოს კიდევ ერთი მსურველი გამოუჩნდა ხეტაფეს სახით. ახალგაზრდა იმედის მომცემი შემტევის სანაცვლოდ "ხეტაფეს" პრეზიდენტი ანხელ ტორესი 5.6 მილიონ ევროს იხდის, ფეხბურთელს კი 4 წლიან კონტრაქტს სთავაზობს. ამ შეთანხმებას იჯარის წესი არ ექნება, მოურინიოს კი არ სურს კანალესთან საბოლოო გამომშვიდობება, ამიტომ ყველაზე აქტუალურ ვარიანტად ისევ სანტანდერული "რასინგი" რჩება, ტრანსფერი სავარაუდოდ იანვრში განხორციელდება.
- 16 დეკემბერი 2010
- 1695
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
