მესინა : "ბროუს ბასკიტსის დამარცხება სავალდებულოა"
მადრიდის "რეალის" საკალათბურთო გუნდის დამრიგებელმა, ეტორე მესინამ განაცხადა, რომ მის გუნდი ვალდებულია დაამარცხოს "ბროუს ბასკიტსი"...
"ვფიქრობ, ჯგუფის პირველ ადგილზე დასრულება ძალიან გაგვიჭირდება, რადგან მეტოქე "ოლიმპიაკოსია", რომელსაც არამგონია პრობლემები შეექმნას "ლოტომატიკასთან" შეხვედრაში, ბერძნები ალბათ წარმატებას მიაღწევენ, ჩემთვის მეორე პოზიციაც დამაკმაყოფილებელი იქნება, მაგრამ ამისთვის მომდევნო ორი მეტოქის დამარცხებაა საჭირო, უბრალოდ ვალდებულები ვართ გავიმარჯვოთ."
"მომდევნო მეტოქე "ბროუს ბასკიტსია", რომელიც ანგარიშგასაწევ ძალას წარმოადგენს, მათ სერიოზული დონის მოთამაშეები ჰყავთ და გამარჯვება რთული იქნება, მაგრამ არა შეუძლებელი."
"ჩემი ახალგაზრდული გუნდი პროგრესს განიცდის, ალბათ ყველა ხედავთ, რომ ბოლო დროს ბრწყინვალე შედეგებს ვაჩვენებთ ურთულეს მოწინააღმდეგეებთან, ახალგაზრდული კოლექტივის მიუხედავად გუნდი წინ მიდის."
"ნიკოლა მიროტიჩი საკუთარი მშვენიერი თამაშით თანაგუნდელების სიმპატიას იწვევს, რაც მნიშვნელოვანია, ეს მოთამაშე გუნდის უფროდაუფრო საჭირო ხდება."
- 14 დეკემბერი 2010
- 1711
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
