როგორც მოგეხსენებათ, "მადრიდის რეალი" 29–ში, ორშაბათ საღამოს დაუპირისპირდება "ბარსელონას" . ეს თამაში ყველასთვის "ელ კლასიკოს" სახელითაა ცნობილი.

"ეს ძალიან მნიშვნელოვანი თამაშია. დარწმუნებული ვარ იგი სანახაობრივიც იქნება.ორივე კლუბი კარგ ფორმაში იმყოფება, ორივე მათგანს გულშემატკივართა არმია ჰყავს, რომლებიც იმ საღამოს ძალიან გახარებულნი იქნებიან, განსაკუთრებით კი გამარჯვებული კლუბის გულშემატკივრები. გვჯერა, რომ შეგვიძლია "ბარსელონასთან" დადებითი შედეგისთვის ბრძოლა"–განაცხადა რამოსმა.

"მადრიდის რეალის" მცველმა ასევე დასძინა, რომ

"ჩვენ მოედანზე კონცენტრირებულნი, მონდომებულნი და გამარჯვებაზე დაგეშილები გამოვდივართ, ძალიან დიდი სისულელე იქნება, რომ "კამპ ნოუზეც" ასე არ მოხდეს. "აიაქსთან" თამაშის შემდეგ შესანიშნავ ხასიათზე ვართ და შედეგის მიუხედავად მოედანს თავაწეულები დავტოვებთ. ამჟამად უფრო ბევრს ვმუშაობთ, ვინაიდან წინ ძალიან სერიოზული მეტოქე გველოდება."

რამოსის თქმით, მათი:

"მთავარი მიზანი ამ სეზონში ტიტულების მოგებაა, ამისთვის კი აუცილებელია, რომ ისეთი მეტოქეები, როგორიც "ბარსელონაა" დაამარცხო."

"ბლანკოსების" მცველმა მეტოქეზეც ისაუბრა:

"მესი მსოფლიოში ერთ–ერთი საუკეთესო ფეხბურთელია, ასევე იგი ძალზედ მნიშვნელოვანია "ბარსელონასთვის". მაგრამ ეს სულაც არ ნიშნავს, რომ სხვები უნდა დავივიწყოთ, იგივე ინიესტა, ბუსკეთსი ან ხავი. "ბარსელონა" გუნდური თამაშითაა ძლიერი და არა ინდივიდუალიზმით."

ბოლოს, როცა მას "ამსტერდამ არენაზე" მომხდარ ინციდენტზე კითხეს, მან უპასუხა:

"ამაზე საუბარი ჩემი აზრით უკვე მომაბეზრებელია. ეს ნელ–ნელა დავიწყებას მიეცა და ასეც უნდა იყოს. აჯობებს წინ ვიაროთ და მომავალზე ვიფიქროთ. არანაირი სასჯელის არ მეშინია, ვინაიდან არაკანონიერი არაფერი არ გამიკეთებია."

წყარო: Realmadrid.com