რონალდო: "კამპ ნოუს სტუმრობაზე კარგი რა უნდა იყოს?"
კრიშტიანო რონალდომ მოახლოებულ "კლასიკოზე" ისაუბრა.
"ელ კლასიკოს" მოგება ნაწილობრივ პორტუგალიელ ვარსკვლავზე არის დამოკიდებული. რონალდო მთელი კარიერის მანძილზე რამოდენიმეჯერ ესტუმრა ნოუ კამპს. მან გუშინ ჟურნალისტებთან განაცხადა: "წლევანდელი "რეალი" შარშანდელისგან ბევრად განსხვავდება. ჩვენ არ წაგვიგია არც ერთ ტურნირზე, რომელზეც ვასპარეზობთ. ჩვენ მოტივირებულნი ვართ და ყველაფერს გავაკეთებთ კატალონიიდან სამი ქულის წამოსაღებად."
"ჟოზე მოურინიო, დღეს-დღეისობით მსოფლიოში საუკეთესო მწვრთნელია. იგი ყოველთვის მოითხოვს მაქსიმალურს და სეზონის ბოლოს ჟოზეს ხელში ძალიან ბევრი ტიტული ხვდება. ყველა ქვეყანაში, სადაც მას უმუშავია, არა ერთი თასი აუღია. ვფიქრობ, რომ ტიტულებს იგი მადრიდშიც მოიპოვებს."
"ორშაბათს გაიმართება სეზონის ყველაზე მნიშვნელოვანი მატჩი. "ბარსელონა" ძალიან ძლიერი გუნდია. კატალონიელებს ასევე ბრწყინვალე ფეხბურთელები ჰყავთ. მაგრამ ჩვენ ვალდებულნი ვართ დავჯაბნოთ ისინი და სამეფო კლუბს კიდევ ერთი წარმატება მოვუტანოთ."
- 25 ნოემბერი 2010
- 2887
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
