ამსტერდამის ”აიქსის” კარებში შეგდებული ბურთები, კრიშტიანუ რონალდუსათვის 50&51 გამოდგა ”რეალის” მაისურით.პორტუგალიელი მეგა-ვარსკვლავი, სამეფო კლუბის რიგებში მხოლო და მხოლოდ 54 თამაშს მოითვლის.

მადეირაზე დაბადებულმა ”ფენომენმა,” გოლების გატანა 2002 წლის 10 ოქტომბრიდან დაიწყო.იმ დროისთვის, რონი ”სპორტინგის” ღირსებას იცავდა.ნიშანდობლივია, რომ 8 წლის შემდეგ, ”ბლანკოსის” უდავო ლიდერი უკვე 204-ე შეგდებული ბურთის ავტორია.

აღსანიშნავია, რომ კრიშტიანუს მიღწევა შესაძლებელია გავუტოლოთ მხოლოდ იმ მადრიდელებს, რომლებიც გასული საუკუნის 20-იან, 30-იან და 40-იან წლებში იცავდნენ დედაქალაქური გუნდის ღირსებას.მოკლე დროში ამ რაოდენობის გოლების გატანით, რონალდუს მესამე საუკეთესო მაჩვენებელი აქვს კლუბის ისტორიაში.

გთავაზობთ, საინტერესო სტატისტიკას:

სამეფო კლუბის მაისურით, რონიმ 2009 წლის აგვისტოში დაიწყო ბურთაობა.გასულ სეზონში, მან ჯამში 33 გოლს მოუყარა თავი (25 ლა ლიგაზე, ხოლო 8 ჩემპიონთა ლიგაზე).წლეულს კი მის ანგარიშზე (ჯერჯერობით) 19 შეხვედრიდან 18 ბურთია.

საინტერესოა ის ფაქტიც, რომ ინგლისში რონალდუს ყველაზე მეტჯერ ”ასტონ ვილა” ჰყავს დამწუხრებული (14 მატჩი და 9 გოლი), ხოლო ესპანეთში ”რასინგი” (2 მატჩი და 5 გოლი).



და ბოლოს, რონალდუს უნიკალურობა იმაშიც გამოიხატება, რომ ის გოლებს არა მხოლოდ ფეხით, არამედ თავით, პენალტით და საჯარიმო დარტყმებითაც იტანს.იქნებ, დაასახელოთ ის მოთამაშე, რომელმაც 25 წლის ასაკში შეძლო 204 გოლის გატანა.������� dle 10.1������� ������� ������