1998 წლის 20 მაისი. ამსტერდამ არენა. მადრიდის "რეალმა" ამ წელს მეშვიდე ევროპული ტიტული მოიპოვა (32 წლის მანძილზე). ეს გამარჯვება სამუდამოდ ჩაიბეჭდა სამეფო კლუბის გულშემატკივრების მეხსიერებაში და ამ ფაქტის გახსენება თითოეულ ჩვენგანს უდიდეს სიამოვნებას ანიჭებს. გავიდა 12 წელი და ეს ორი გუნდი ისევ უპირისპირდება ერთმანეთს.

მაშინ ზინედინ ზინდანი "იუვენტუსის" ღირსებას იცავდა. მიატოვიჩი კი მატჩის გმირად დასახელდა. დღეს "აიაქსის" წინააღმდეგ "რეალის" ლიდერი კრიშტიანო რონალდო ითამაშებს. რომელსაც მგზავრობის დროს რჩევა-დარიგებებს არ აკლებდნენ მოურინიო და ზიდანი.

სწორედ 1998 წელს, როდესაც ამსტერდამ არენაზე "რეალმა" ადგილობრივი გუნდი დაამარცხა, ამის შემდეგ "თეთრები" მსოფლიოში ძალიან ბევრმა ადამიანმა შეიყვარა და დღემდე მისი ერთგულია.

ოთხი წლის განმავლობაში, 1998-დან 2002 წლამდე, სამეფო კლუბმა სამჯერ ჩემპიონთა ლიგის, ორჯერ საერთაშორისო და ორჯერ ევროპის სუპერ თასის მოგება მოახერხა. გავიდა რვა წელი და ჟოზე მოურინიო ცდილობს კლუბს ისევ დაუბრუნოს დიდი გამარჯვებები.

მაშინდელ შემადგენლობაში თამაშობდნენ: ილგნერი, პანუჩი, იერო, სანჩისი, რობერტო კარლოსი, ზეედორფი, კარემბეუ, რედონდო, რაული, მორიენტესი და მიატოვიჩი. 1998 წლის 20 მაისის საღამოს, მადრიდში სიბელესთან უამრავი მადრიდისტა შეიკრიბა. გულშემატკივრები ფეხბურთელებთან ერთად ზეიმობდნენ გამარჯვებას. იმედია მიმდინარე სეზონშიც არაერთხელ მოვგიწევს სიბელესის "მონახულება".������� dle 10.1������� ������� ������