სამეფო კლუბი საშინაო არენაზე ტრადიციულად წარმატებით გამოდის, გამონაკლისი არც დღევანდელი დღე იყო, "მერენგებმა" ბილბაოს "ატლეტიკი" გამანადგურებელი ანგარიშით დაამარცხეს, მოურინიოს შეგირდებმა 5 გოლის გატანა მოახერხეს და კიდევ უფრო გაზარდეს გატანილ გოლთა რიცხვი...

აღსანიშნავია გოლების ფესტივალი, რომელიც "თეთრებმა" ლაკორუნიის დეპორტივოს მოუწყვეს, დედაქალაქელებმა სტუმრები 6-1 გაანადგურეს, ასევე ამავე ანგარიშით მოუგეს სანტანდერის "რასინგს". "ბერნაბეუზე" სამეფო კლუბი იდეალურად თამაშობს და თითოელ შეხვედრაში გოლების წვიმას აწყობს.

ბერნაბეუზე გუნდმა 6 შეხვედრა ჩაატარა და 23 გოლის გატანა მოახერხა, ეს საშუალოდ 3.84 გოლს ნიშნავს თითო შეხვედრაში, რაც უნიკალური მაჩვენებელია.

"ბლანკოსის" მხრიდან მეტოქის კარის აღებას ყველაზე ხშირად კრიშტიანო რონალდო, გონსალო იგუაინი, მესუთ ოზილი და ანხელ დი მარია ახერხებენ. სწორედ ეს ფეხბურთელები ქმნიან "რეალის" მხრიდან ყველაზე მეტ სახიფათო მომენტს.������� dle 10.1������� ������� ������