"მადრიდის რეალის" პრეზიდენტი ფლორენტინო პერესი არ გაექცა იმ კრიტიკის ქარცეცხლს, რომელიც დაატყდა თავს მადრიდულ კლუბს, მას შემდეგ, რაც ამ უკანასკნელმა კოპა დელ რეის თასზე დათმო შეხვედრა, არც მეტი არც ნაკლები, "ალკორკონის" წინააღმდეგ. გამოვიდა რა ფეხბურთის კლუბების ხელმძღვანელობასთან დაკავშირებით ალიკანტეში პრეს–კონფერენციაზე, ბლანკოსების პრეზიდენტმა პასუხი გასცა ჟურნალისტების მიერ დასმულ რამდენიმე შეკითხვას. ადვილი მისახვედრია, რომ შეკითხვების უმრავლესობა ეხებოდა თეთრების სამარცხვინო მარცხს სეგუნდა ბ–ს კლუბთან. პრეზიდენტი გამოტყდა, რომ ეს სამარცხვინო მარცხი იყო, მაგრამ ამავდროულად თხოვა გულშემატკივრებს პელეგრინისთვის და მისი შეგირდებისთვის დრო მიეცათ.

დღეს გამართულ პრეს–კონფერენციაზე მანუელ პელეგრინმა განაცხადა, რომ მასსა და გუტის შორის შესანიშნავი ურთიერთობაა. დღეს მან ასევე ისაუბრა ხვალ გასამართ შეხვედრაზე "ხეტაფეს" წინააღმდეგ.