"ხეტაფე" ძალიან კარგ ფორმაში იმყოფება, რომ აღარაფერი ვთქვათ მადრიდის "რეალზე". ეს ყველაფერი იმის პირობას გვაძლევს, რომ წინ გველის საკმაოდ საინტერესო და დაძაბული შეხვედრა. ცხადია, ზემოთ აღნიშნულ შეხვედრაში ფავორიტი "ბლანკოსია", თუმცა ექსპერტები არაფერს არ გამორიცხავენ. სეზონის პირველი დაპირისპირება "სანტიაგო ბერნაბეუზე" გაიმართა, სადაც მასპინძებმა 4–2 იმარჯვეს.

ცალსახაა, რომ "მერენგები" მოედანზე პირველ ნომრად ითამაშებენ, ხოლო მეტოქე გუნდი მეორე ნომრად წარსდგება მწვანე მინდორზე. ჟოზე მოურინიოს სურს თვის პირველი შეხვედრა გამარჯვებით დაიწყოს და არ დაკარგოს მნიშვნელვოანი ქულები, რომელსაც მოფრთხილება სჭირდება.

ლუის გარსიას და ისევე, როგორც ჟოზე მოურინიოს შემადგენლობის მხრივ პრობლემები აქვთ. "აზოლანესებს" ვერ დაეხმარებიან ალბერტო ლოპო, რაფა და დავიდ გიუზა, ხოლო სტუმრების თადარიგში არ იქნებიან მარსელო, დი მარია და სამი ხედირა. საეჭვო იყო ჩაბი ალონსოს გამოჩენაც, თუმცა სავარაუდოდ, იგი მცირე დორით მაინც ითამაშებს. გუნდს, ასევე სერხიო რამოსიც დაუბრუნდა. როგორც იცით, ესპანელ მცველს დისკვალიპიკაცია ჰქოდნა.

პორტუგალიელი სპეციალისტის შეგირდები "ლა ლიგას" ერთპიროვნულად და დამაჯერებლად ლიდერობენ, ლუისის ბიჭები კი მე–9 პოზიციაზე იმყოფებიან 27 ქულით. მიმდინარე სეზონში, "ლურჯებმა" 7-ჯერ მოიგეს, 6–ჯერ ფრედ ითამაშეს და 7–ჯერ მარცხი იგემეს. "თეთრებმა" მოგება 17–ჯერ მოახერხეს, ფრე მხოლოდ და მხოლოდ ერთხელ დააფიქსირეს, 2–ჯერ კი დამარცხდნენ.



"ხეტაფე" განსაკუთრებით ყურადღებით რონალდუს მიმართ უნდა იყოს, რომელიც საკმაოდ ბევრ გოლს იტანს ამ გუნდთან. კრიშტიანუმ გარსიას გუნდთან 4–ჯერ ითამაშა და 8 გოლი გაიტანა, რაც სასიამოვნო ფაქტი თანაქალაქელებისთვის ნამდვილად არაა.



ეს გუნდები ერთმანეთს "ლა ლიგაში", კერძოდ "ალფონსო პერესზე" 7–ჯერ შეხვდნენ ერთმანეთს, აქედან 3–ჯერ "რეალმა" მოიგო, ამდენჯერვე "ხეტაფემ", ხოლო ერთი მატჩი ყაიმით დასრულდა.



Realmadrid.com